Një gjykatë në Bruksel e ka dënuar me gjobë ish-mbretin e Belgjikës Albert II me arsyetimin se nuk e ka kryer testin e ADN-së kërkuar për të sqaruar atësinë ose jo të tij të artistes Delphine Boel, transmeton Anadolu Agency (AA).
Gjykata e Apelit ka vendosur që ish mbreti Albert II të paguajë 5.000 euro çdo ditë deri në momentin kur ai të kryejë testin e ADN-së.
Në nëntor të vitit të kaluar, gjykata në seancën e hapur mbi pretendimet e Boel vendosi se ish-mbreti Albert II duhej t’i nënshtrohej një testi të ADN-së brenda 3 muajve.
Ndërkohë që ish-mbreti Albert II ka refuzuar këtë vendim të gjykatës dhe nuk ka bërë testin e ADN-së të kërkuar nga gjykata.
Mbreti 84 vjeçar i cili në vitin 2013 ia dorëzoi fronin djalit të tij Philippe, mbron idenë e tij se artistja 51 vjeçare Boel nuk është vajza e tij. Ndërkohë që Boel që prej 10 vitesh ngre padi të ndryshme për të provuar se mbreti është babai i saj.
Ish mbreti Albert II i cili tashmë nuk është në detyrë zyrtare nuk ka imunitet ndaj vendimeve të gjykatës.
Kjo çështje e cila diskutohet në mënyrë intensive në Belgjikë erdh në rend dite pasi bashkëshortja e tij mbretëresha Paola pretendonte në një libër të shkruar në vitin 1999 se bashkëshorti i saj ka një fëmijë jashtë martese.
Tre gjëra që nuk duhet të bëni kurrë pas ndarjes
Shtatë banorë në televotim, ja kush u eliminua
Bashkimi fiton derbin, Trepça përmbys Vëllaznimin në Superli...
Malet e Kamenicës në flakë – Fotografi ndan foto: Zjarrfikës...
Kandidati rumun i së djathtës ekstreme lejohet të garojë në ...
Përleshje në Klinë, gjashtë të lënduar – tre prej tyre nga m...